《花樣男子》完結篇之後,道明寺同衫菜就過住幸福快樂嘅生活。佢地嘅故事告一段落之後,TBS相隔10年搵嚟佢嘅續作搬上電視,《花後天晴》喺4月17日晚上10點首播,期間日本Twitter出現大塞車死機情況,原因竟然唔太關今季嘅主角事,元兇係松本潤飾演道明寺?

mig

2005年開播嘅《花樣男子》由第一、二季去到電影完結篇,無論係卡士定口碑都係咁多個重製版之中最無敵!F4成員由松本潤、小栗旬、松田翔太同阿部力飾演,女主角衫菜就係當年只得18歲嘅井上真央擔正,全個陣容顏值都無可挑剔,仲造就到松本潤同井上真央呢對緋聞傳足十幾年嘅「螢幕情侶」,到今時今日仍然係傳媒熱話。天團 嵐亦都係由當時嘅《花男》紅到而家,可想而知呢套劇有幾大殺傷力!

hanadan

當年嘅選角質素同原作嘅吻合度一樣係世界級,道明寺嘅媽媽由加賀麻里子飾演,淨係個氣勢已經夠嚇疾人;道明寺家姐就由松嶋菜菜子飾演,一代日劇收視女王肯定唔會有錯; 連友情客串嘅集數都係搵嚟戶田惠梨香、貫地谷栞等一線女星,你話點捨得唔追!

img_2

fe167914dd6a9b15ed8aeba795f9594c

hanadan18

前作咁高質,TBS就諗住用返之前嘅策略,利用劇集捧紅一班新人。故事繼續以貴族學校 英德學園作為背景,原本出身富貴嘅女主角江戶川音因為屋企破產,被迫要喺英德隱藏自己身世繼續扮有錢。時間剛好去到F4畢業10週年,神樂木晴就決定仿效自己崇拜嘅道明寺,成立新嘅惡霸組織C5。而必備嘅三角戀令一邊就係就讀英德死對頭學校——桃乃學園嘅學生會會長馳天馬,同江戶川音有婚約。

screen-shot-2018-04-18-at-4-19-38-pm

screen-shot-2018-04-18-at-4-19-59-pm

故事大綱係偶像劇範本,不過好可惜只係出咗預告,已經唔被外界睇好,原因之一係飾演女主角江戶川音嘅演員杉咲花外貌不夠討好,其他演員顏值亦同前作相差好遠,令到播出前期待度偏低。

screen-shot-2018-04-18-at-4-19-45-pm

b49p3wxrbxhtygwblj3vndkjgssbclnznkxhwezqh-w

為咗令到劇集唔會輸喺起跑線上,劇組就搵到第一代道明寺——松本潤嚟客串首集,消息一出已經喺網上瘋傳,連海外Fans都為咗佢地嘅「初戀」道明寺,喺首播當晚用盡方法睇直播。道明寺登場嘅一刻,除咗尖叫之外,所有人都瘋狂Cap圖!

d3231245

kjvfagq8

道明寺只係出現喺男主角嘅回憶片段裡面,大半鏡頭都只係得背影,但聽聲又確實係松本潤本人,最Close Up 清楚嘅可以話係呢一幕!無錯!係道明寺呀!

e3231235

就喺呢一刻,個Twitter要爆喇⋯⋯播出期間Twitter文章第一至第五位全部都係道明寺,而且仲不時出現Over Capacity嘅畫面,文章、影片、定係圖,全部被瘋傳,個個好入戲大叫:「踢走庶民!」搞到網絡大塞車呀!!

screen-shot-2018-04-18-at-4-48-11-pm

道明寺癱瘓咗一個平台,而《花男》系列嘅威力就擴展到其他搜尋網絡!日本Yahoo話題榜第一至十位全部都係同系列有關嘅搜尋字眼,10年後嘅春天,《花男》威力仍然可以反轉全個日本!

e3231242

原祖級道明寺雖然救到話題性,不過就未成功救到《花後天晴》嘅收視。有松本潤坐陣嘅首播都只係得7.4%收視,創下TBS火10開檔4年嚟第二低嘅首播收視,估計之後會持續下跌。大家要繼續期待吓劇情方面會唔會再有驚喜喇!

screen-shot-2018-04-18-at-4-18-42-pm

 

喜歡我們的文章嗎?按個讚吧!

關 閉 視 窗

(330)